Paasissutissat nalinginnaasut

 

Saqqaa    Oqarasuaatikkut ataveqarfissat    Atuarfiup aqutsisui    Suleqatigiit ataavartut     Paasissutissat

      

 

Nanortallip  atuarfia:

Saqqaa:

Ilinniartitsisut / sulisullu:

Nanortallip atuarfeqarfiata immikkoortortaqarfia:

Ukiup ingerlanerani pisartut:

Atuakkanik atorniartarfik:

Ukioq atuarfiusoq:

Paasissutissat nalinginnaasut:

Assit:

Nutaarsiassat:

Atorfininniarluni qinnuteqaat:


 



Atuarfiup maleruagassai:

Atuarfimmi maleruagassat nalinginnaasut ataatsimoortut pigaavut, taakku saniatigut klassit immikkoortortallu aamma assigiinngitsunik maleruagassaqarput. Uani takuneqarsinnaapput maleruagassat nalinginnaasut, taakkulu angajoqqaat meeqqaminnut nassuiaatigilluarnissaat kissaatigaarput.

 

  1. Atuarfimmiittunut tamanut soqutigittartuugit.
  2. Atuarfiup atortuinut illutaanullu paarinnigit.
  3. Ullut tamaasa skematit takusassallugit eqqaamaniaruk, inortuinak atuagassatillu amiganngitsut nassarlugit atuariartortarniassagavit.
  4. Sakkortuallaamik pinnguartaqinak.
  5. Pinngussat navianarsinnaasut akornusersuutaasinnaasullu atuarfimmut nassartaqinagit.
  6. Tiimini mamartukujunnik nerisaqinak.
  7. Atuarfimmi pujortarneq inerteqqutaalluinnarpoq.


Angajoqqaanik ataatsimiititsinerit:

Atuarfimmi pisussaavugut minnerpaamik ukiumut pingasoriarluta angajoqqaanik oqaloqatiginninnissatsinnut.

Tamanna assigiinngitsunut pingasunut immikkoortinneqartarpoq:

 

Siulleq septemberip ingerlanerani ingerlanneqartussaq ukiup sinneranut atuartitsissutini ataasiakkaani pilersaarutinik saqqummiussiffiuvoq angajoqqaat ataatsimoortillugit nassuiaanerulluni.

Aappaa novemberip naanerani/decemberip aallartinnerani pisarpoq, karakterinik tunniussinermut atatillugu ingerlanneqartarluni. Tassani atuartut ataasiakkaat angajoqqaavilu oqaloqatigineqartarput.

Pingajuat upernaakkut majip ingerlanerani/junip aallartinnerani pisarpoq, aamma karakterinik tunniussinermut atatillugu ingerlanneqartarluni. Tassani atuartut ataasiakkaat angajoqqaavilu oqaloqatigineqartarput.

 

Taakku saniatigut angajoqqaat tikilluaqquneqarput sukkulluunnit atuarfimmut saaffiginninnissaminnut, ilinniartitsisunut ataasiakkaanut.

 

Atuartut pigisaat:

 

Atuarfik atuartorpassuaqarpoq ullullu tamaasa inuppassuarnit aqqusaarneqartarluni. Ajoraluartumik tamanna ilaatigut meeqqat pigisaminnik tammaasaqarnerannik kinguneqartarpoq.

 

Angajoqqaat erseqqissaateqarfigerusupparput atuarfimmi pigisanik tammaasoqartillugu atuarfik akisussaasinnaanngimmat, tamannami sillimmasernitta iluaniinngimmat.

 

Assersuutigalugu aningaasat, sikkilit  imaluunniit pinngussat tammassagaluarpata taarsiisinnaanngilagut. Kiisalu angajoqqaat qinnuigissavagut meeqqatik sikkilertillugit atuariartortittassagunikkit sikkilit parnaarsinnaateqqullugit. Atuarnerup nalaani sikkilinik tammaasoqarpat angajoqqaat akisussaaffigivaat, atuarfimmullu piumasarineqarsinnaanngilaq taarsiisitsiniarluni.

 

Taamaattumik atuartut akisuunik, aningaasanik allanillu nalilinnik annertuallaanik atuarfimmut nassartannginnissaat inassutigerusupparput.

 

Napparsimanermi nalunaarnerit:

 

Angajoqqaat qinnuigissavagut meeqqaminnik napparsimasooraangamik atuarfimmut saaffiginnittaqqullugit, tamanna ima pisinnaavoq:

 

  • Atuarfimmut sianernikkut 61 33 25 ullaakkut nal. 07.15 – 08.00.
  • Imaluunniit allagaqarnikkut atuartup peqqisseqqikkuni nassatassaanik.

 

Atuartut nalunaaruteqarnatik atuanngitsut akuerineqarnatik atuanngitsutut nalunaarsorneqassapput, atuarfiullu siulersuisuinut nalunaarutigineqarlutik.

 

Atuanngiffeqarnissamik qinnuteqaatit:

 

Assigiinngitsunik pissuteqarlutik angajoqqaat ilaasa meeqqatik atuanngiffeqartikkusuttarpaat atuarnerup nalinginnaasup nalaani.

 

Tamanna ilaatigut killileruminaasinnaasarpoq, kisiannilu ajornanngippat pinngitsoorniartariaqarpoq. Meeqqat atuarfiani peqqussut malillugu angajoqqaat pisussaapput meeqqatik atuartissallugit10. klasse ilanngullugu, ukiumullu nalinginnaasumik ullut 200-t meeqqat atuartartussaapput. Ajornanngippat angajoqqaat meeqqaminnik atuanngiffeqartitsiniartarnerat killilersorusunnarpoq meeqqamut atuaqataanullu malunniussinnaasarmat.

 

Allatulli ajornartillugu angajoqqaat allallutik qinnuteqartassapput sioqqutsillutik, atuarfik piffissaqartillugu ilinniartitsisunut paasiniaanissaminut.

 

Postboks 168 - 3922 Nanortalik – Telefon: 61 33 25 – Fax: 61 40 20