Nunatsinni illoqarfinni atuarfiit kujallersaat pinngortitamik kusanarluinnarmik avatangiisilik.

   Atuarfitsinni atuartoqarpugut 275-t miss. Taakkulu Nukarlernut Akullernut Angajullernullu agguataarsimapput. Pingaartitarivarput meeqqap qitiulluni aallaaviginissaa tamatta toqqissisimalluta atuarfimmiinnissarput anguniaratsigu. Meeqqat atuarfianni peqqussut malillugu  suleqatigiiaartoqarpoq (teams) trinikkaartunik, klassini atuartitsisukkaartunik, faginilu atuartitsisukkaartunik.

Atuarfitsinni IT-mik atortut ineriartortittuarnissaat atuisullu ilinniartitsisut atuartitsinerminni IT-mik atuisarnissaat suliniutigiuarparput.

Pingaartipparputtaaq ulluinnarni toqqissisimasumik sulisuvut pisortallu akunnerminni ikioqatigiillutik sulisinnaanissaat. Taamaammat pisariaqartitsilernermi ”saaffissanik” tamatta peqarpugut.

Upperaarput atuartuutivut ajunnginnerpaamik aatsaat sullinneqarsinnaasut ilinniartitsisuvut sulileqqaalernerminniit ajunngitsunik atugassaqartikkutsigit. Taamaattumik ilinniartitsisuvut tamarmik ajunngitsunik najugaqarnissaat anguniagarivarput. Kiisalu qitornallit meeraasa meeraaqqerivinni meeqqerivinnilu inissaqartinnissaat suliniutigisarlugu.

Atuarfitsinni ilinniartitsisut nutaat ilinniartitsisumik pisoqaanerusumik qaquguluunniit saaffigisinnaasaminnik piareersimasussamik tunineqartarput. Tamakku periarfissatut tunniunneqartarput. Nutaanut aammattaaq ileqquuvoq ukiumi siullermi Kujataata pinngortitarsuata misissuataarnissaanut akiliunneqarlutik angalaarunneqartarlutik. Atuarfitsinni ilinniartitsisutut sulilersut immikkut ittunik atugassaqartinneqartarput soorlu aasat tamakkerlugit akiliunneqarlutik sulinngiffeqarsinnaallutik. Takuuk www.imak.gl

Ukiumi atuarfiusussami 2010/2011-imi Nanortallip Atuarfiani ilinniartitsisunik nutaanik pisariaqartitsivugut: Trinini tamani allamiut oqaasiinik (qallunaatut tuluttullu) atuartitsisussanik. Pinnngortitalerinermi Akullerni atuartitsisussanik kiisalu assassorluni atuartitsissutini. Taakku saniatigut ilinniartitsisunik marlunnik oqaasilinnik immikkut atuartitsisussanik pisariaqartitsivugut. Paasisaqarnerurusukkuit una iserfiguuk www.nanbyskole.gl  uunga atuarfik@nanbyskole.gl allallutit sianerlutilluunniit uunga 00299613325. Kommune Kujalliit nittartagaani www.kujalleq.gl  -imi paasissassat allat qinnuteqarnissamullu immersugassaq takusinnaavatit.

Nanortallip Atuarfia apriilimmit 2010 ukioq 2013 tikillugu tamakkerluni nutartilerpoq / sanasoqalerpoq. Nanortallip Atuarfianut qinnuteqarniarit atuarfippullu pissanganartoq sunniuteqarfigeqataaffigalugu.

Inussiarnersumik

Paul Raahauge

Atuarfiup pisortaa / skoleinspektør